Ջերմ Օջախ էներգաարդյունավետ վերանորոգման միկրովարկեր

10․9%
մինչև 10 տարի

«Ազգային հիփոթեքային ընկերության» ՎՎԿ ՓԲԸ /ԱՀԸ/ կողմից վերաֆինանսավորվող Ջերմ Օջախ էներգաարդյունավետ վերանորոգման միկրովարկեր

Պայմաններ

Հաստատված է «Պրեմիում Կրեդիտ» ՈՒՎԿ ՓԲԸ Խորհրդի 2021թ-ի մայիսի 12-ի թիվ 055 որոշմամբ: Ուժի մեջ է 12․05․2021թ․-ից:

Ընդհանուր դրույթներ
Վարկառու/Համավարկառու	[20–60] տարեկան ՀՀ քաղաքացի հանդիսացող ֆիզիկական անձինք, որոնց եկամուտների հիմնական աղբյուրը գտնվում է ՀՀ-ում և ովքեր վարկի սպասարկման ողջ ընթացքում չեն բոլորի 63 տարեկանը կամ առկա է վերոնշյալ պահանջներին բավարարող համավարկառու:
Վարկատեսակ	Սպառողական վարկ կամ դրամական պահանջի զիջման դիմաց ֆինանսավորման մեխանիզմով ՈՒՎԿ կողմից տրամադրված վարկ
Վարկի արժույթը	ՀՀ դրամ
Վարկի նվազագույն և առավելագույն գումարը	275,000-3,000,000 ՀՀ դրամ
Վարկի նվազագույն և առավելագույն ժամկետը¹	Նվազագույնը 60 ամիս, առավելագույնը 120 ամիս
Վարկի մայր գումարի մարման արտոնյալ ժամանակահատվածը	Նվազագույնը 6 ամիս, առավելագույնը 1 տարի
Վարկի առավելագույն տոկոսադրույքը	10․9%
Տարեկան փաստացի տոկոսադրույք	11.61%-12.88%
Վարկի նպատակը	Բնակելի անշարժ գույքի վերանորոգում` ուղղված էներգաարդյունավետության բարձրացմանը. ընդ որում վարկի միջոցների նվազագույնը 40%-ը պետք է ուղղված լինի բնակելի անշարժ գույքի էներգաարդյունավետության բարձրացման համար նախատեսված միջոցառումների և նյութերի/պարագաների ձեռքբերմանը, այդ թվում՝ մինչև վարկի գումարի 20%-ը կարող է ուղղվել էներգախնայող կենցաղային սարքավորումների ձեռքբերմանը (Ծրագրի շրջանակներում ընդունելի էներգաարդյունավետ նյութերի/պարագաների ցանկը և դրանց նկատմամբ պարտադիր սահմանաչափերը սահմանվում են Ծրագրի համար մշակված Գործառնական Ձեռնարկում):
Դրամաշնորհը	Էներգաարդյունավետության նվազագույն պահանջին բավարարող բոլոր վարկերը իրավունակ են նաև դրամաշնորհի նկատմամբ: Կախված վարկի մեջ էներգախնայող միջոցառումների տեսակարար կշռից՝ նախատեսված է դրամաշնորհի երկու տարբերակ: Վարկի և դրամաշնորհի նկատմամբ իրավունակությունը գնահատվում է մշակված առցանց էներգահաշվիչ գործիքի օգնությամբ՝ www.jermojakh.com Վարկառուն ստանում է վարկի պայմանագրային գումարի 5% դրամաշնորհ, սակայն ոչ ավել քան վարկի ընթացիկ մնացորդի չափով դրամաշնորհ, որն ուղղվում է վարկի մայր գումարի մարմանը: Եթե վարկի գումարի 40%-ից ավելին օգտագործվում է էներգաարդյունավետության բարձրացման համար նախատեսված նյութերի/պարագաների ձեռքբերման նպատակով, սահմանվում է հիմնական դասի՝ 5% դրամաշնորհ: Դրամաշնորհի տրամադրման նախապայման են հանդիսանում նաև ստորև ներկայացված դրույթները` - Իրականացված բոլոր միջոցառումների առնվազն 90%-ը պետք է հիմնավորված լինի վճարումը հաստատող փաստաթղթերով: - Եթե վարկառուն բացի էներգաարդյունավետ նյութերի/պարագաների ձեռքբերումից իրականացրել է նաև գույքի վերանորոգում, ապա անհրաժեշտ է ապահովել վերանորոգման աշխատանքներն ամփոփող նախնական և վերջնական լուսանկարներ և/կամ տեսաերիզ: Դրամաշնորհի հատկացման առաջարկը վարկառուին ներկայացնում է ՈՒՎԿ-ն: Դրամաշնորհը տրամադրվում է Վարկառուի համաձայնությամբ։
Առաջնային էներգաարդյունավետության գնահատում	Վարկի տրամադրումից առաջ ՈՒՎԿ աշխատակիցը պետք է իրականացնի վերանորոգվող անշարժ գույքի առաջնային Էներգաարդյունավետության գնահատում, որի նպատակն է պարզել, թե արդյոք վերանորոգվող բնակելի անշարժ գույքն ունի էներգաարդյունավետության բարձրացման անհրաժեշտություն: Էներգաարդյունավետության գնահատման արդյունքները հետագայում համեմատվում են վերջնական Էներգաարդյունավետության գնահատման արդյունքների հետ, որի հիման վրա Կազմակերպության համաձայնությամբ կայացվում է դրամաշնորհի հատկացման որոշումը: Էներգաարդյունավետ վերանորոգման վարկերի դեպքում, եթե պարզվում է, որ գույքը էներգաարդյունավետության բարձրացման անհրաժեշտություն չունի, ապա վարկը չի տրամադրվում:
Վարկի ապահովման միջոցը	Երրորդ անձի /անձանց/ երաշխավորություն, շարժական գույքի գրավ կամ այլ տեսակի ապահովման միջոց՝ ՈՒՎԿ ներքին կարգերի hամաձայն, բացառությամբ անշարժ գույքի:
Վարկի մարման ձևը	- Արտոնյալ ժամանակահատվածում` միայն տոկոսագումարների մարում, - Արտոնյալ ժամանակահատվածի ավարտից հետո` ամբողջությամբ վճարվող անուիտետային կամ մայր գումարի հավասարաչափ մարումներով վարկ, Երկու դեպքում էլ վճարումները պետք է կատարվեն ամսական պարբերականությամբ:
Վարկունակության գնահատում	Եկամուտների գնահատումը և դրանց արժանահավատության ստուգումը` ՈՒՎԿ ներքին կարգերի համաձայն
Վայրը	ՀՀ ամբողջ տարածքում, բացառությամբ Երևան քաղաքի Կենտրոն վարչական շրջանի
Վարկի տրամադրման վճար` միանվագ	Վարկի գումարի 0.5%, բայց ոչ պակաս քան 5.000 ՀՀ դրամ
Վարկային հայտի ուսումնասիրության վճար	3,000 ՀՀ դրամ, գանձվում է միանվագ վարկային հայտը մուտքագրելիս
Տույժեր	Պայմանագրով նախատեսված մարման ժամկետների խախտում թույլ տալու դեպքում Վարկառուն ՈՒՎԿ-ին վճարում է տույժ` ժամկետանց վարկի և տոկոսագումարի 0.1% չափով՝ կետանցի յուրաքանչյուր օրվա համար: Ընդ որում, ժամկետանց վարկի գումարի նկատմամբ շարունակվում է հաշվարկվել տարեկան տոկոսադրույքը մինչև ժամկետանց վարկի գումարի հետվերադարձը:
Վարկի գումարի վաղաժամկետ մարման դեպքում	Տույժ չի սահմանվում
Այլ պահանջներ	Ցանկալի է, որ վարկառուն/համավարկառուն լինի վերանորոգվող բնակելի անշարժ գույքի սեփականատեր/համասեփականատեր: Սակայն եթե վերջինս չի հանդիսանում վերանորոգվող բնակելի անշարժ գույքի սեփականատեր/համասեփականատեր, ապա պետք է առկա լինի բնակելի անշարժ գույքի սեփականատիրոջ/համասեփականատիրոջ գրավոր հայտարարությունն առ այն, որ վերջինս տեղյակ է և չի առարկում, որպեսզի իր բնակելի անշարժ գույքը վերանորոգվի, Բնակելի անշարժ գույքի մեկ միավորը Ծրագրի շրջանակներում տրամադրված վարկային միջոցների հաշվին կարող է վերանորոգվել մի քանի անգամ
Վարկի տրամադրման կամ մերժման վերաբերյալ որոշումների կայացման Ժամկետներ	Վարկի տրամադրման կամ մերժման որոշումը կայացվում է առավելագույնը 10 (տաս) աշխատանքային օրվա ընթացքում, որոշումների կայացման համար ՈՒՎԿ կողմից պահանջվող փաստաթղթերը ամբողջությամբ ներկայացնելուց հետո: Վարկը տրամադրվում է ՈՒՎԿ կողմից դրական որոշման դեպքում և գրավի վկայականի առկայության դեպքում առավելագույնը 2 (երկու) աշխատանքային օրվա ընթացքում։
Վարկային կազմակերպության կողմից Վարկի տրամադրման որոշման հիմնական գործոններից է հաճախորդի վարկարժանության գնահատումը, որը կատարվում է վարկային պատմության դիտարկման եղանակով։ Վարկային պատմությունը դա տեղեկատվություն է հաճախորդի կողմից ստանձնած պարտավորությունների վերաբերյալ, որը ցույց է տալիս հաճախորդի պարտքերը, վճարումները, վճարումների սովորությունները պարտավորությունների և դրանց կատարման վերաբերյալ տեղեկատվություններ: Վարկային պատմությունը պարունակում է հետևյալ տեղեկատվությունը՝ • Հաճախորդի ստացած վարկերը, դրանց քանակը և գումարը, յուրաքանչյուր վարկի տեսակը և ժամկետները, Վարկից բխող մարումների կատարումը (օրինակ՝ արդյո՞ք ժամանակին եք վճարել տոկոսներն ու մայր գումարի մարումները, թե ոչ), հաճախորդի կողմից այլ մարդկանց տրամադրված երաշխավորությունները, ժամկետանց վարկերի առկայությունը, ինչպես նաև դրանց համար սահմանված տույժ ու տուգանքները: Վարկային պատմության մեջ ներառվում են միայն հարցման պահից վերջին 5 տարվա վերաբերյալ տվյալները: Սխալ կամ թերի վարկային պատմությունը փոփոխելու համար հաճախորդը պետք է դիմի ԱՔՌԱ վարկային բյուրո, որպեսզի պարզի, թե ինչ տվյալներ են պահվում այնտեղ իր մասին, և որն է սխալ կամ թերթի տեղեկատվության աղբյուրը: Վարկային պատմությունը բարելավելու համար անհրաժեշտ է բացառել ընթացիկ վարկերի գծով ուշացումները, մարել ժամկետանց վարկերով կետանցված գումարները, խուսափել անվստահելի անձանց համար երաշխավոր դառնալուց: Մանրամասների և օգտակար խորհուրդների համար կարող եք այցելել հետևյալ հղումով՝ www.abcfinance.am , www.acra.am:

¹ Վարկի ժամկետը հաշվարկվում է` սկսած վարկային պայմանագրի կնքման ամսաթվից: Վարկի ժամկետը որպես մարման օրվա և կնքման օրվա տարբերություն հաշվարկելիս վարկի սահմանված նվազագույն ժամկետից փոքր լինելու դեպքում, ընդունելի է համարվում մինչև 30 օր կլորացումը:

«Ֆինանսական օգնական» համակարգին կարող եք ծանոթանալ հետևյալ հղումով` www.fininfo.am

Թարմացվել է` 21/08/2024, 18:22